BONVESIN dra RIVA

Laudes de Virgine Maria

(L)

Edizione di riferimento:

Poeti del Duecento, 2 voll., a cura di Gianfranco Contini, Riccardo Ricciardi editore, Milano Napoli 1960

1          Eo Bonvesin dra Riva    mo’ voi fà melodia,

quilò voi far sermon    dra Vergene Maria,

dra matre d Iesù Criste,    de quella lux compìa,

dra plu nobel madona    k’ in ce ni in terra sia.                   4

 

2          Quella è vïora olente,    quella è rosa floria,

quella è blanchissmo lilio,    quella è zema polia,

quella è in terra avocata,    nostra speranza e via,

quella è plena de gratia,    plena de cortesia.                        8

 

3          Quella è stella ke rende    clarissma claritae,

ke lux mirabelmente    in l’eternal citae,

quella è dona dei angeli,    regina d sanctitae,

quella è nostra donzella,    matre de pïetae.                         12

 

4          Quella è salud!h!e del mondo,    vaxel de deïtae,

vaxel precïosissimo    e plen d’omia bontae,

vergen sor tut le vergene    soprana per beltae,

magistra d cortesie    e d grand humilitae.                        16

 

5          Quella è corona d’or     in l’eternal contradha,

corona d’oro zemadha    de bon virtù ornadha,

conforto et alegreza    d’omia persona nadha:

così mirabel femena     zamai no fo trovadha.                      20

 

6          Quella è nobel madona     in tut guis per rason,

per gratia, per costumi    et anc per nascïon:

il mond no fo mai femena    sì nobel per rason

com’ fo quella regina    dra qual eo fo sermon.                     24

 

7          Per gratïa fo nobel    e a Deo fo gratïosa:

per k’ella fo dr’Altissimo    fiola e matre e sposa;

per bon costum fo nobel    com’ femna virtüosa,

com’ femna casta e larga,    humel, no dexdeniosa.            28

 

8          Apress zo fo per sangue    nobile et altivosa,

dra ca’ del rex Davìd    sì naqu la glorïosa:

tant no porrav fì digio    dra Vergen precïosa

k’ella no sia plu nobel    e adess plu dignitosa.                   32

 

9          Quella zentil polzella,    inanz k’ella foss nadha,

il ventre de la matre    sì fo sanctificadha;

tant k’ella stete il mondo,    quella Vergen beadha,

in digi ni anc in fagio    no fo mai straportadha.                 36

 

10        In tuta söa vita,    tal picna tal cresudha,

vargar in fag ni in digi    zamai no fo vezudha,

zamai no fé peccao    la Vergen benestrudha:

sor tut le altre femene    perzò fo-’la alezudha.                    40

 

11        Quella è nostra tutrix,    nostra confanonera:

ella defend zascun,    ki vol star sego in sgiera;

contra l)i nostri guerrer    ella è molt fort guerrera;

beao quel hom e femena    ke sta sot soa bandera.             44

 

12        Quella è nostro refugio,    ki s vol a lé tornar:

zascun hom peccaor    hella ha preso a tensar,

s’el vol pur ess pentio    et el vol stà a mendar

e s’el se vol a lé    grandment recomandar.                           48

 

13        Quella regina dolce    molt ama l)i soi amisi,

se i en ben soi devoti    et èn del so amor prisi;

se iustament la pregano,    il)l)i fin molt ben intisi,

e con grand cura l)i tensa    da li inferné inimisi.                  52

 

14        Quella è cortese e larga,    quella è tuta amorevre,

de li poveri ni d li richi    no è zà dexdenievre,

ella recev zascun,    se ben el fosse asevre:

ki vol ess so amigo,    zascun hom gh’è plasevre.               56

 

15        Ella è dolceza e requie    a tugi i afadhigai,

pur k’illi entre soe brace    sïan recomandai;

ella è consolatris    de tug li tribulai,

ella è speranza grande   de quil)l)i k’èn desperai.               60

 

16        Quella è adesso im pei    davanz lo Salvator,

adess prega l so fiio    per tug li peccaor,

e se i soi pres no fosseno,    tant è lo mond in error

ke Deo n’abissarave    a fogo et a calor.                               64

 

17        Tant è la zent del mondo    sfalsadha e pervertia

ke, se no foss li presi    dra Vergene Maria,

per li nostri peccai    lo mondo abissaria:

beata quella dama    k’à tal poestaria.                                68

 

18        Quella è consei dre vedoe,    matre dei orfanai,

redugi d li peregrini,    reposs d li fadhigai,

remedïo d li miseri,    vïa d li disvïai;

quella è dolc medicina    a quil)l)i k’èn infermai.              72

 

19        De quil)l)i k’àn fam on sedhe    ella è reficiamento,

de quil)l)i k’àn coldo on fregio    ella è temperamento,

richeza d li bon poveri    e grand confortamento;

quella è del mond colonia    e grand sustentamento.       76

 

20        Quel homo e quella femena    k’entre soe brac se rende,

da multi grang perigori    l’aïdha e lo defende:

adonca in quella dama    ki’l so amor destende,

mult ben ghe’n dé seguir    in tut le soe vesende.             80

 

21        Li peccaor medhesmi    k’in lé àn grand amor,

sd il)l)i se gh recomandano    et il)l)i ghe fan honor,

ella i aïdha a inxir    dal so malvax error

e l)i traze a penitentia,    a servir al Segnor.                        84

 

22        Ella ne scampa multi    da l man del fals serpente,

li quai, s’ella no fosse,    morravem malamente:

quel peccaor è savio   ke l’ama stregiamente,

lo qual intre soe brace    se buta fedelmente.                      88

 

23        Da mult mortai perigori    multi homni guarentisce,

quil)l)i soi amis k’èn iusti    conforta e rebaldisce

e quil)l)i k’èn peccator    a ben far convertisce;

beao quel hom e femena    k’in l so amor finisce.            92

 

24        Perzò no dé esse homo,     ni peccaor ni bon,

ke a lé no s recomande    con bona intentïon,

e salutar sovenzo    la Vergen quand il)l)i pòn,

digando Ave Maria    con grand devotïon.                        96

Indice Biblioteca

biblioteca

Progetto Bonvesin della Riva

© 1996 - Tutti i diritti sono riservati

Biblioteca dei Classici italiani di Giuseppe Bonghi

Ultimo aggiornamento: 10 luglio 2011