BONVESIN DRA RIVA

Vita Beati Alexii

 

Edizione di riferimento:

Adolfo Bartoli, Crestomazia della poesia Italiana del periodo delle origin, compilata ad uso delle scuole secondarie classiche, Casa Editrice Ermanno Loescher Roma e Firenze presso la stessa casa, Torino 1882

1            Eufimian da Roma    fo nobel cavaler,

poente era e richissimo,    e molto amigo de deo,

a li peregrini, a li poveri    molto era limosiner,

per questa via teniva    e lu e la mujer.                                     4

 

2            A soa demandason     trea milia fangi haveva,

k' havevan correze dorae    e vestimente de sedha.

in corte dr' imperator    nixun hom se saveva

k'havesse quella possanza    ke quest segnor haveva.              8

 

3            Tre mense a casa soa    stevan apparegiae

a li peregrini, a li poveri,     a le vedove rezitae;

e lu da nona zeva al desco,    cole man lavae,

con reliose persone,    devote et honorae.                                 12

 

4            Aglaes, sua mujer,    sterla era per natura;

de la nasce no poeva    alcuna creatura.

Eufimian et ella    n' havevan doja dura,

per k'illi no havevan heredex   ke fosse soto soa cura.             16

 

5            Haver illi no poevano    fiol segondo rason,

ke soccedhesse pos    si cotante possession,

a Criste se n tornavano    con grange oration,

e molte lemosne fevano   a quella intention.                            20

 

6            A la perfin e Cristo   li soi presi vosse intende;

da le soe lemosne grange   el no se vosse defende,

e ghe dò contra natura   heredex compiacente,

e ghe misen nome Alexio,    ke fo bon e valente.                      24

 

7            Entrambi, lo patre e la matre,    per soa voluntae

da illò inanze a deo   si vodhan castitae.

molt han a grao ke Cristo,    per soa grand pietae,

si g' ha compio d'heredhex    la soa voluntae.                          28

 

8            Lo fantineto Alexio   a scola fo mandao;

grand gratia d' imprende   domino deo g' ha dao,

et im breve in tute le arte   el fo amagistrao,

in la scrigiura divina    molt era ben fondao.                           32

 

9            Lo fantineto Alexio   in deo temor haveva,

coli poveri conversava,    grand ben a lor voleva,

in seno et in scientia    et in bontae cresceva,

la soa vita bona    grandmente a deo plaseva.                          36

 

10          Quand fo crescudho Alexio,    una sposa gh' è dadha,

la qual dra ca de l' imperio   zentilmente era nadha

la camera a entrambi    ghe fo apparegiadha,

la qual era de novo    mirabelmente ornadha.                          40

 

11          Entrambi per soa grandeza   si fon incoronai

per man de sancti previdhi   de previdhi honorai.

in tuto quel dì dre noze   multi homini en confortai,

grangi godhij, grangi solazi   in quel dì fon menai.                  44

 

12          Quando fo venu da sira    e lo tempo de reposar,

la soa sposa Alexio   si prend a visitar,

consego solengo in camera   la prend a predicar,

e li sagramenti dra gesia   ghe vol amagistrar.                         48

 

13          Lo benedigio Alexio   conseja soa sposa

k' ella sor tute le cose   de l'arma sia curosa,

azò ke l'arma scampo   da morte angustiosa

e k' ella trove a tempo   dolceza glorïosa.                                  52

 

14          E quand el g' have zò digio,    un so anello dorao

e lo mazo dra correza    el ha insema ligao.

in una peza de sirigo   el ha tuto involjao.

apresso zò in governo   a soa dona l'ha dao.                             56

 

15          « Rezeve », zò disse Alexio,    « tanfin ke deo vorrà,

deo sia entre nu,    ke n debla consejar ».

e quand el havo zò dijo,    tuto zò k' el vosse portar

el tolle de soa peccunia,    e incontinente se n va.                     60

 

16          Quand el fo al porto dra mare,    in nave el fo intrao,

in terra de Laudocia    et el lo navigao,

e da illò per terra so   edro el ha apiliao.

la terra ha nome Edissa,    o el è arrivao.                                  64

 

17          In quella citae era    l'imagine del Segnor,

la qual no era pengia    per man d' alcun pengior;

la qual fiva servadha   e habiudha in grand honor

et in grand reverentia   a lox del salvator.                                68

 

18          E quand in questa terra   Alexio fo andao,

zò k' el portò consego,    a li poveri tuto ha dao,

le soe veste preciose   per deo el ha donao,

e vestimento de povero   in dosso el ha apiliao.                        72

 

19          Ele vestio Alexio   de vesta da poltron.

in grand deprisiamento   lo corpo mete a bandon;

quelu k' era richissimo   et alto per nascion,

lo mondo e lo corpo depresia   per haver salvation.                  76

 

20          In quella terra strania   niscun lo cognosceva,

pur entro i oltri poveri   senza dexdenio sedlieva,

de fora a un monester   de sancta Maria steva,

e illò coi oltri poveri    lemosine receveva.                                 80

 

21          Illò domava lo corpo   in grange affliction,

vegiando e zizunando,    stagando in oration,

in li divini officij   haveva attention.

la soa vita molt' era    de grand devotion.                                 84

 

22          Pos la partia d' Alexio,    quand so patre have olzudho

ke so fijo è fuzio,    ke so fijo è perdudho,

la cerca el fa far grande,    s'alcun l'havesse vezudho,

per tuta Roma se cerca    Alexio k' è perdudho.                       88

 

23          E quand lo patre so    no l'have possudho trovar,

a li soi fangi el comanda   k' illi debban fora andar,

e k' illi per tuto lo mondo   lo deblan pur cercar,

e lor in diverse parte   se n van per lu trovar.                           92

 

24          Eufimian a li servi    ha dao tal monimento,

k' in quelle terre, o illi van,    fazan pregonamento,

de far lemosine a li poveri,    ke ghe sian in compimento,

azò k' elli trovan Alexio   con setil scaltrimento,                       96

 

25          Crezando Eufimian    senza dubitamento

k' el so fijo s'have demette    in grand deprisiamento

e bregarave coli poveri    senza dexdeniamento,

perzò dè 'lo a li soi servi   cotal amagistramento.                     100

 

26          Per molte partie del mondo    li servi en spantegai,

ke van cercando Alexio,    per ki illi fin mandai;

de li quai alguanti in Edissa    quand illi fon arivai,

a una grand lemosina    li poveri fon giamai.                           104

 

27          Li servi cole soe man proprie    devan la carità,

e don in man a Alexio    la soa quantità,

e no 1 poen cognosce    per soa ceghedhà.

ma lu cognox ben lor   segondo la verità.                                 108

 

28          Alexio da li soi servi    lemosina ha recevudho,

el ve' k' illi passan oltra,    ni l'han anc conoscudho

el ne regatia deo    de zò k'è indevenudho,

de zò k' el è scampao    e non è cognoscudho.                         112

Indice Biblioteca

biblioteca

Progetto Bonvesin della Riva

© 1996 - Tutti i diritti sono riservati

Biblioteca dei Classici italiani di Giuseppe Bonghi

Ultimo aggiornamento: 10 luglio 2011